عايش ببلد الو عادات معينة ادخل و شوف عادات البلدان و اكتب عن عادات بلدك

بسم الله الرحمن الرحيم

لكل بلد عاداته و تقاليده لذا اكتب عادات و تقاليد بلدك و دع الأشقاء العرب يتعرفوا عليها
و أنا رح ابدأ
عندنا في سوريا مشهورين بالعراضات في الأعراس و الأفراح
و
العراضة موكب من الناس يتقدمهم \على الأكتاف \ رجل يتقن اللهجة المحلية و
يقوم بسرد عبارات موزونة و باقي الناس تردد وراءه و مع الموكب فرقة دروع و
سيوف تقدم لوحات فنية جميلة من المبارزة الخفيفة و التفنن باستخدام السيف
و الدرع
ورح اسرد بعض الجمل اللي بتردد بالعراضة :

أول مانبدا منقول
صلوا على طه الرسول

أول ما بدينا
على النبي صلينا

يا صلاتك يا محمد
والصلاة بالصوت صلوا

والصلاة والصوم صلوا
وبالصلاة صلوا عليه

وعلينا وعليه
وعلى من زار قبره

وعلى من حج إليه
حجيت الحجاج لاجله

انشق القمر بنص الليل
من هيبة رسول الله

لا إله إلا الله
محمد رسول الله

وادللي ياعيني
على عريس الزيني

وادللي يا غالية
لاطلع لك العالية

مسا الخير ومسا الخير
الله يمسيكم بالخير

الله يمسي حارتنا
ياللي مشملة حملتنا

حملتنا عالشيخ رسلان
شيخ رسلان يا شيخ رسلان

يا حامي البر والشام
مسا الخير جمعية

إسلام ومسيحية
إسلام توحد الله

والشب يولف صاحبة
لاصاحبه لالاعبه

لالاعبه بالجودلح
جودلح يا جودلح

زيزفون يا زيزفون
زيزفون خيم علي

ما بناخد إلا الصبية
ما بناخد إلا الغلام

يا غنيم يا غنام
لا تروح درب الشمال

بياخدك التركملي
يعمل فيك شال مال

يعمل فيك العجايب
يعمل فيك كان مان

يعمل من جلدك رباب
للشيوخ والشباب

للشباب التايبة
والشيوخ الشايبة

يلي ع ربها تايبة
تايبة ومتوبة

تايبة عالشيخ رسلان
شيخ رسلان يا شيخ رسلان

يا حامي البر والشام
يا سباع البر حومي

اشربي ولا تعومي
اشربي من بير زمزم

زمزم عليها السلام
يا سلام اضرب سلام

علي مظلل بالغمام
والغمامة غامتو

غامتو ما لامتو
غامتو خوفاً عليه

وعلينا وعليه
وعلى من حج إليه

محمد زين محمد زين
محمد يا كحيل العين

هدهد هدهد ياطير
عنا الك خبر بالليل

يمكن شر ويمكن خير
واللي يعادينا نحاربو

بالسيف نقطع شواربو
بنتك يا خال أخذت عقلي

والعزابي يا دلو
ما في مين يغسلو

صابونتو بجيبتو
الله يخليلو ميمتو

حامل بقجة قمصانو
وداير على جيرانو

روح تجوز روح روح
حاجة تبصبص عالأسطوح

لاتاخد بنت البلكون
لو لبست لك كل يوم لون

خود البنت المستورة
ولو كانت فكحة وعورة

اسمر يا بو الجديلة
دخيل عيونا الكحيلة

محلا الشايب بين ولادو
دلي دلوك يا بنية

عريس الزين يتهنا
يطلب علينا ويتمنى

عريس الزين يا غالي
ويا مسهرني الليالي

عريس الزين ما بيعو
لو جبلي الدهب غالي

شن كليلة شن كليلة
شن كليلة شو هالليلة

شو هالليلة ما أحلاها
للحبايب بنتمناها

من هالليلة من هالليلة
من هالليلة صرلو عيلة

طقي وجني حيص بيص
نحنا في معنا عريس

صلوا على محمد مكحول العين
نير وغضير وعادلا وهي

اضرب واجرح لا تخاف
وين السبعة يجاوب تسعة

وين ستندر وين ستار
يا ستندر مالك خرسان

ويا فشك ما لك غليان
سمعني الصوت الرنان

وان هلهلتي هلهلنالك
حطينا البارود قبالك

وان هلهلتي يا نشمية
واحد منا يقابل مية

صلوا على محمد مكحول العين
نير وغضير وعادلا وهي

» كيف ينظر الرجل إلى المرأة في فترات معينة من عمره؟
» مثل السمك في البحر وشلون عايش؟
» تنزيل شريط عبد الفتاح الجرينى عايش حياته