......الــــــــــــورد هـــــــو الـــــــــــــورد ......
الورد أجمل مجايب ..
يتهادوا بيه الحبايب ..
الورد هو الورد ...
إيد تقطفه بحنيه
وتحطه فى الزهرية
وبسكر وميه واسبرين تداديه
يظل فى كل الحالات
الورد ...... زى البسمة ..... عمره قصير
ع الغصن ..... فى الاصيص ..
فى الفازة ....... بين صفحات الكتاب ......
فى الايد
الورد هو الورد
ما يصبر عليه الوعد
مهما بالحنان نسقيه
والورد لما نمزعه ونسأله :
ياهل ترى المحبوب كمان بيميل ؟
يكرمنا حتى واحنا بنبهدله
يهمس لنا بالسر فى اخر رمق
ونقوم بفرحة وهو متبعتر قتيل
الورد هو الورد ........ ما أجمله ؟
الورد حتى وهو متمزق جميل
الورد هو الورد
فى جميع حالاته يخيل
وريحته فيه مهما دبل واسود
وف نومة الابدية
على حافة الزهرية راسه تميل
بصرف النظر عن ايدين البشر
الورد هو الورد ....
الرئيسية 
اليومية