[size=44]ضحكت : خلاص ... تكفى فهد لاتقطع ...الا ماقلت لي صدق ... وش اخبار المحبوبة ..
تنهد : لاتذكريني يبي لها لوحدها جلسة بروحها ..
نور : خلاص اول ماتخلص شغلك حاكيني .. طيب
فهد : اليوم لا... بس في اول فرصة ...
نور : خلاص .... يلا اشوفك على خير .. باي
فهد : مع السلامة ..
سكرت منه ورجعت لوحدتها حست ان الغرفة تطبق عليها ..
جلست تقلب بين الارقام مرة ثانية .... امممم دينا .... " دينا بنت عمها .... بنت مرة كيوت ودلوعة وتجنن ...
بس تربط بينها وبين نور علاقة ذات رابط من نوع ما ... مالها اسم او نوع محدد بس تقدر تقول انها بشكل خاص .... "
نور : الو ..
دينا : هاي .... وينك ..
نور: بسريري...
دينا : يلا قومي انفضي عنك الكسل علشان امر عليك ونطلع ... مع اني بعيدة عن طريق بيتكم .. بس ماهي مشكلة ...
توها بترد سمعت صوت طق على الباب
نور : دينا اصبري شوي ..... وصرخت : مين ..
انفتح الباب : هذا انا هشام .... قومي اقرقت مخي هالشغالة .... ابي احد يسوي لي شي اكله ..
نور : وينهم ..
هشام : مافي احد .... كلهم طالعين ...
رجعت لجوالها : دينا .. اكلمك بعدين ...
دينا : ادري سمعت ... خليك كذا ... لحد مايروحوا بك لوراء الشمس ... جالسة بالبيت احتياط للي يبي ..
تكلمت من بين اسنانها : خلاص بعدين ..
دينا : روحي .. روحي ... لاياكلك انتي .. باي ..
وسكرت الخط وقامت ... ومشت وراء اخوها الكبير اللي سبقها يوم شافها قامت لتحت ...
لف عليها يوم وصلت للمطبخ : سو......... رفع حاجب وهو يشوف لبس نور ....: بالله هذا لبس ... ومسك طرف ملابسها : وش هذا ..
حكت راسها : شورت ... محد قالك تصحيني من نومي ...
هشام : بالله احد ينام هالوقت ....
لفت كنها نبي تنهي الموضوع : انام زي مابي .... ايش تبي ساندويش ...
هشام : سويه جبن ... وهز راسه وطلع ... وهو طالع : سوي لي شاي بالكوب حقي ...
وهي تسوي .....
مريانا : انا كلام انا اسوي...
نور : ناس عقولها من العصر الحجري ... ...رفعت راسها لها : وينهم ..
مريانا : اياد في روح مع بابا ... وماما في روح مع نهى ... ريان ماعرف ...دانة ..
عوجت فمها : ادري لاتكملين ... ااااف ...
طلعت للصالة لعند هشام ... مدت له الصينية .... وجلست جنبه
هشام : توتو تو .. لاحول ... روحي من وجهي ....
نور : يوه جايبة لك الاكل ... وجلست بعيد عنه ..
وجلست تراقبه : هشام الله يخليك تكفى .... طلعني معك ..
التفت عليها بنظرة : خير ... وين ان شاء الله عمتي وين تبي تروح ....
تضايقت : هشومة قلبي ... والله اني طفشت ....
هشام : وانا ويش يدخلني ..كان طلعتي مع ابوك والا امك ....
نور :: محد قال لي .... بعدين اروح مع ابوي لبيت عمتي وش اسوي .. العب مع العيال بلايستيشن ..والا اجلس اسولف مع عمتي ...
هشام : اسمعي انا عفت الاكل من وراء ايدين هالعلة علشان قرقتها ... لا تقرقين فوق راسي ... خليني اكل هاللقمة .... وجلس يقلب القنوات ..
مشت قدام وجهه عناد ...
رفع راسه معصب : ياه ...
صعدت لفوق .... مالها الا النوم ... دفنت نفسها في فراشها .... ومسكت الجوال .. تدور احد يسولف معها....
لقت الرسالة اللي جاتها امس وهي في العزيمة .... ابتسمت وهي ترجع تقراها .... " يعني مارجع ارسل "
وجلست تفكر ...
.......................
دخل من برى ..... سمع صوت ولد اخته اللي توها جابته ..
علي : واي .. واي ... انتي وساندويشك وش هالازعاج ...
منى : يمه شوفي ولدك ترى بيجي لولدي شي من وراء راسه ...
عواطف " ام علي " : علي جوز عن اختك ..
ابتسم بعذوبة : ياربي امزح منمن ... عاد مدري وش اسوي اذا نيوف جاء واخذكم .. راح توحشيني ... ويوحشني ازعاج ولدك ..مدري من بيصحيني كل يوم .... هههههه
جت من المطبخ عواطف : قوم يلا وجوز عن اختك روح انا مخليه اكلك بالقدر على الفرن ....
علي : الله يام خالد وش غدانا ..
عواطف : غداء ... لك غداء ... بس ترى لنا بعد شوي عشاء ...
ضحك توه بيرد .... دقت عنده نغمة الرسالة ... رفع حاجب وهو يفتحها..." رقم غريب ... ياربي مين يكون "
قراها
" وينك احتريتك البارح تجي .. كذا خليتيني استناك على الفاضي ..."
عواطف : علي اشفيك .
رد بارتباك : لالا بس هذا واحد كنت انتظر منه رد .. ارسل لي رسالة .... سكر الجوال ..... : يمه انا بروح اتروش والبس واطلع وراي مشوار مهم ...
عواطف : والاكل ..
علي : خلاص خليه على الفرن ... اذا جيت بالليل اكلته ....
تروش ولبس وطلع بسرعة .... وهو في السيارة .... جلس يفكر براعي الرسالة ....
مسك الجوال ودق ....
بس ماجاه رد ....
ارسل رسالة " مين معي ..."
................................
حاطة المخدة على راسها وفاقدة الامل ان احد ممكن يسال عنها ... سمعت نغمة الجوال .... مسكته شافت مكالمة .... ترد والا لا ترددت ....شوي سكر .... زفرت ورجعت راسها تحت المخدة ... سمعت نغمة الرسالة ..
فتحتها ... قرتها ..... ابتسمت .... وردت
" امممم
انا اللي بتوريك نجوم الليل "
.....
ضحك " بتوريني ... انتي بنت ...."
....
ابتسمت وحركت اصابعها على الحروف " ايوه وست البنات ..."
رد باستهزاء " وع ... طيب اذا بنت ليش ماتردين اسمع صوتك "
.....
تضايقت راحت للمسجل ... وجلست تدور ... " ايوه لقيته " فتحت المسجل وجلست تعيد تدور على اغنية ..
دقت عليه ...
........
مسك الجوال ابد ماظن انها بتدق ... بس بسرعة فتح ... وهو يبتسم ....: الو ... جاه صوت اغنية لاحلام ..
" اللي مايطول العنب ... حامضا عنه يقول ..... "
....
سكرت المسجل وجلست تسمعه ...
....
ضحك : ههههههههههههه بالله........
........
ارتفعت نبضات قلبها وهي تسمع صوته .... بس هو ماسمع الا صوت انفاسها ..
بس هو قطع الصمت وتكلم : طيب ليش ماتتكلمين ... اكيد صوتك وع ..
......
سكرت الخط وارسلت .... "وع بعينك .... اساسا انا رحمت حالك خايفة عليك من الفتنة .."
...
ضحك وهو يقرا الرسالة .... حط الجوال في جيبه لانه وصل للمكتب ....[/size][b]
الرئيسية 
اليومية