.[size=24]
تسال نفسك كثير .... عن الحب ... عن الاحلام .... تسال نفسك عن ذيك القصص اللي تسمعها ... تتنمى تعيش مثلها قصة وردية ... يتحرك معها نبض قلبك .... عالم وردي .. خيالي .... تبنيه بقلب عذري ... ماعاش في الدنيا ... ولا خبر وش صاروا الناس فيها ..... تحلم ... وتتنمى تحب ... لكنك بكل سهولة تحطم بكل برودة احلام غيرك ....وتمنعه من الحب ... وش عذرك ....
تسال نفسك وش المفروض ... وش اللي لازم يصير ... تسير في مسار ... ماتدري اذا تقدر تطلع عنه
مين غلطان ... ومين يحسب حساب للخطاء ... وماتدري اذا انت اللي تسويه خطأ والا صح
بس يصير ..
........................
جلست في طاولة في كفي داخل السوق ....... زي ماتعودت من فترة ..
... : بليز ..
وجاها الجرسون ..
.... : ممكن واحد شاي ..
طلعت دفترها وقلمها اللي دايم تحب تكتب فيه حطت رجل على رجل ....وفتحت الدفتر
كتبت ...
وحشتني ....
رفعت نظرها تدور في وجوه العالم اللي حولها على نظرة تعطيها الالهام .... بس ابعد شي كانت تتصوره انها تشوفه ... طاح القلم .... وفتحت عيونها على الاخر ...
وصارت تتذكر ملامحه اللي السنين ضيعتها .... عمرها ماتصورت انها تشوفه يوم ... فقدت الامل ...
تسارعت نبضات قلبها ... حست كل الناس تسمعها ...
جاها الشاي ... ماحست .... مدت يدها كانها تحاول تمسكه قبل مايضيع بين الزحمة ... بس طيحت الشاي اللي ماانتبهت له ...
... الجرسون : اسف ..
ماردت .. ماعطت للي واقف جنبها بال ... فتحت البوك وطلعت فلوس رمتها على الطاولة ... وقامت تسرع تبي تلحق عليه ... تركت الدفتر ... وقلمها اللي تحبه ... راحت تدور على ذكرى ... وتركض وراها زي سراب تلحقه نفس يائسة ....
الجرسون صرخ ... : لو سمحتي ...
بس هي ماردت ... مشت ومشت .. تدور زي المجنونة ... تسلل اليأس قلبها ظنت انها كانت واهمة ...
بس شافته ...
واقف على باترين .... ومعه وحدة ماسك يدها ... وياشر معها ... ويضحك ...
حست بصدمة .... وحست انها تركض وراء سراب ... رجعت .... تدور دفترها وقلمها اللي ماخيبوا رجها يوم ...
ابتسم لها الجرسون .. ومد لها الدفتر والقلم ...
جلست بس المرة هذي .. جلست في زاوية بعيدة ... كنها تبي تبعد عن العالم باكبر قدر ..
حست انها ضايعة بين العالم .... قطع عليها الالامها صوت نغمة جوال تعالت بين اصوات العالم ... والزحمة ..
تذكرت الابيات اللي سمعتها في يوم ... اللي حست الحين انها هي اللي كتبتها من كثر ماتعبر عن مشاعرها في هاللحظة ..
فتحت صفحة جديدة وكتبت ...
" مرتاح .. والايتصنع قلبك الراحة
شايل في خاطرك والا البال متنهي
مجروح والا شفى قلبك من جراحه
زعلان للحين والا راضيا عني
شخبار قلبك عسى مافارق افراحه
ادري جرحتك وشلت بخاطرك مني
خسران بعدك وقلبي ضاعت ارباحه
غلطان ادري وابي منك تسامحني
تدري عيوني بغيابك ماهي مرتاحة
تبكي على فراق طيفك وانت ذابحني
ياللي ذبحني غلاه شكرا على رماحه
اللي طعني بها ومايوم ريحني
جيتك من الشوق والاشواق ذباحه
اسال عيونك عسى للحين تذكرني
راضي بجرحك وانا ماتصنع الراحة
تكفى عشاني ابي ترجع وتسمعني "
حطت القلم ... راحت رغبتها .. سكرت كل شي ... وقامت ... لمت اغراضها ومعه لمت باقي الالامها اللي عصرت قلبها من شوفته .. جروح ماطابت يوم ... بس اليوم شوفته زي الملح ... رجعت زادت الالامها ..
مشت ماودها تطلع .... ماتدري يمكن مجرد وجوده يكفي .. تعبت كثير وهي تتمنى انها تلتقي به في يوم ..
ماتدري ليش راحت لذاك المكان بس فجاة وفي وسط الزحمة ... وكان الناس بعدت عن الطريق علشان يصير
قدامها .... طلع صوتها ضعيف .... : .... علي ..
التفت وهو يعرف راعيته ... ولايوم نسى صاحبة الصوت ...التفت وعيونه تسال بشوق شخبارك ...
..." وحشتيني "
نور : علي .... عرفتني ..
سال من وراء قلبه : مين
نور : ... علي لك كل الحق تنسى .. بس انا ولابيوم نسيت .... ولا افكر اني انسى ..
" ولا انا ياعمري " ورد من ورى قلبه كن مابيوم مر عليه : معقولة انتي ...
نور : .. وحشتني ياغلاي ..... وحشتني .. كثر الايام الي تركتها بك ... كثر شوق ولهفة العالم ...
عقد حواجبه : اشلونك ..
نور : ماعرفت طعم الراحة وانا احط راسي كل يوم اسال عنك .... وحشني صوتك اللي كان معيشني بهالدنيا .. ذبحني فراقك ... ذبحني بعدك ..
علي: انتي اللي ابعدتيني ..
نور : ادري ... ادري ... بس موب برضاي ظروف.....ابعدت وتمنيت من بعدك الموت ...تذكر يوم تواعدنا مايفرقنا الا الموت ... تمنيته بس علشان مابعد عنك برضاي ..
علي " ياه لا تقولين ظروف " : بس سويتيها ..... ومشى
نور : وين .... تكفى
علي : معي زوجتي
نور : انت لها طول العمر ... انا ابيك لي بس يوم ..
غمض عيونه : اتوقع ان اليوم هذا مو من حقك ..
غمضت وسمحت للدمعة اللي حارت انها تطيح ...: ادري .... بس وحشتني ..... وحشتني ...
علي: لا المكان والوقت يسمح ..
نور : مستعدة لاي يوم ... بس انت قول لي انك تبي تشوفني ..
مدري عن ظروفي ..
مسكت يده : طلبتك ... بكل غالي عندك ... عطني من وقتك .. اترجاك ...
"انتي ... انتي كل غالي ... وتركتيني ".. : اللي جالسة تسوينه غلط .. وابعد يدها ...." مقدر على قربك اكثر ... راح انهار "
نور : طيب .... وتركته يروح ..
"حتى الحين تركتيني بكل سهولة " وابعد عنها وجراح قلبه انزفت من جديد ... الجرح اللي مابرى بيوم ..
رجعت يدها لقلبها ... وكنها تحتفظ باخر لمسة ليده في قلبها .. هذا اللي قدرت تحصل منه بعد سنين ...
شافته يبعد يده علشان يمسك بها غيرها .... وكنه يرد لها الكف اللي اخذه منها يوم ... دين .. يرجعه لها يوم شاف يدها بيد غيرها ...
شافته يبعد عنها .... نادته بصوت مذبوح : ... علي .. علي .. لاتروح ....... والصوت ضاع بين زحمة الناس ...الوقت فات وماعاد ينفع الصوت ..
وقفت في نفس المكان وهي تتخيله يوم كان واقف هنا قدامها .... سكرت عيونها على هاللحظة .... كان لها ... بس هي ضعفت ... في لحظة ضعف .. ضيعته
اكثر شي يطعن بالقلب .. الفراق ... بس وش يسوي الطعن بقلوب ميتة....
حست نفسها مخنوقة ... ودقات قلبها الضعيف راحت .... حست ان انفاسها عيت تطلع ...مشت بخطوة ثقيلة ...
طلعت من السوق .... وحست ان روحها طلعت من جسدها .... دورت بين الوجيه ..
مدت يدها شافها السايق اللي كان ينتظرها ... اشرت عليه ..
جاب السيارة بسرعة ... شافها واقفة ماتحركت .... ولاول مرة بدون ماتحس .. حس انه لازم يمسكها ..
السايق : مدام .. مدام ..
طلع صوتها مخنوق : ركبني ....
وصلها للبيت .. ودق من جواله وفجأة حست بالناس من حولها .... اصوات ... بس صوته هو اللي لوحده يرن وتسمعه بوضوح " بعد اليوم لا تلوميني "
تذكرت .....
من سنين .... يوم كانت لسى ... قلبها كان لسى ... صغير ... زي طفل توه طالع للدنيا .... سمعت كلام كثير ... كلام يتكلم عن الحب ... وكلام يحذرها منه .... وفي اسوء لحظات ضعفها ... اسوء لحظات كانت محتاجة فيها لاحد يكون جبنها ... لحظات كان قلبها جاف ... محتاج من يروي لها حاجته ... جتها رسالة منه ..
استغربت وهي تفتح جوالها ... " مين هذا ... وش يبي ..."
الرسالة " انا بجي الساعة ثمان لاتبطي علي "
استغربت بس ردت حبت تستهبل عليه " خلاص انا احتريك ..."
ومن يومها صارت حياتها تنتظر رسالة علشان ترد عليها ......
.................................................. .................................................. ..... لك قلبي .... دخلت به بدون استئذان ... تسالت .. من انت ... ؟!
مدت يدها في الظلام اللي كسى الغرفة تتلمس علشان تبي تولع النور الجانبي ... وصلت لزر الابجورة .. شغلتها ..جلست تاخذ انفاس قوية ... وعميقة .. وكنها تطرد من داخلها الهموم اللي تجمعت ...
وتسال نفسها وبعدين .... حياتها على وتيرة وحدة .... انفتح الباب بقوة ... طلت دانة ... زي العاصفة تاخذ اغراضها ..
نور : وش عندك ...
دانة : جاية اخذ شنطتي وعبايتي .... ناهد بتمر تاخذيني ..
ارتسمت على وجهها سعادة ... وكانها تنتظر احد يطلعها من ظلمتها : صدق ..
لمت دانة اغراضها بخجل : لا بس هي بتمرني انا ...
فهمت عليها .... : طفي النور وانتي طالعة .... ورجعت دفنت نفسها بين طيات فراشها... تبي تتذكر سبب يخلي اختها الكبيرة اللي مفروض تكون في محل امها تكرهها ..
عمرها ماجمعت بينها وبين ناهد لحظات ممكن تقول عنها انها حلوة ..... دايما تكون محل انتقادها ... علشان كذا عمر ناهد ماقالت لها تعالي عندي والا حتى اطلعي معي ... نفسها تعرف ليش اختها شايلة عليها قد كذا ...
تعبت وهي تتقلب على فراشها ... مسكت جوالها وصارت تقلب فيه محد دق عليها ....
انسدحت على ظهرها ... وجلست تقلب في الارقام ... لقت رقمه ... فهد .. ولد خالها ...اصغر منها بسنتين ... واللي تعتبره زي اخوها .... دقت عليها ..
نور : الو ..
فهد : ياهلا والله
نور : كيف احوالك ؟
فهد : تمام طال عمرك وانت كيف احوالك ..
نور: خالي عندك ..
فهد : اي معك ...
نور : طفشانة ....
فهد : ليه ... دقيقة ........ ايوه .... معليش ابوي كابس على نفسي ... بعدت عنه ..
نور: ايش اخباره ..
تنهد : زي ماهو دايم ... مايجوز عني ...
ضحكت ضحكة باهتة ... : انت معه في المحل ..
فهد : اي .... الحين انا طلعت برى علشان اكلمك ...
نور : مادقيت علي البارح ...
فهد : كنت طالع في الاستراحة... مع عيال خالتي ..
نور: تدري من دق علي ..
فهد : من ؟!
نور: تركي .... تصور انه يبيني اتعرف على صديقه .. قال وشو حبيب .... ومحتاج من يسليه ..
عصب فهد : تدرين هالنذل يبي له تربية .. وطاوعتيه ؟
نور: لا سفلت فيه وصكيت الخط في وجه
فهد : يستاهل انا ارويك فيه
نور : تكفى مابي مشاكل مع امك...
فهد: معليك انا اتفاهم معه بطريقتي..
نور: لا... ااذ تعزني لا تبين له اي شي .... خلاص انا انهيت الموضوع معه ...تكفى فهد علشاني ..
فهد : بشرط لا عاد تردين عليه ...
نور: طيب ..... سبحان الله ماكنكم اخوان
ضحك : لا انا البطة السوداء عند اهلي ..
ضحكت معه : يعني انتي زيي ....
فهد : نور .... انا برجع للمحل ... خالك ياشر لي ..
الرئيسية 
اليومية