موضوع: رحلتي لنابلس بالصور | المنارة | الممرات | الحمام التركي | السوق | حلويات نابلسية .. السبت يونيو 19, 2010 7:02 am
السلام عليكم جميعا كيف الحال بتمنى انو الكل يكون بخير ^^ بدي اخبركم انو هاد الموضوع انا كاتبيتو من اكتر من شهر يمكن .. والصور ما زبطو في فنسختو عندي وهلا لتزكرتو ورجعت حطيتو انشا الله يعجبكم ^^
ما حطول عليكم بس من الاول ححكيلكم الموضوع يمكن يكون طويل والحكي كتير والصور اكتر فـ اللي بمل بسرعا يشوف الصور ويضلو طالع ما بدي اتئل ع حدا المهم واخيرا تحققت امنيتي ورحت ع نابلس >> نابلسيه وعمري ما رحت عليها يوم الاحد 8/16 طبعا لازم نصحا الصبح بكير ئمت لبست ملابس زي السياح هههههه طائيه ونضاره وحركات :ها1: واخدت معي ابن عمتي >>> مشان يكون مرشد سياحي وتكمل الرحله لازم ندخل بالجو شوي ههههه طبعا رحنا هناك وانا ما تزكرت التصوير الا لما خلصنا نص الطريئ >> هاد من حزكم مشان ما اطول كتير
اول صوره رح تكون للمناره ما بعرف ازا الها اسم غير هيك ولا لا
وهاي صور للممرات اللي هناك اول ما شفتهم زكروني بباب الحاره
هاي صور للمباني اللي هناك , ئديمين بس في ناس عايشين فيها
وهاي ساحه فيها مباني ئديمه على حسب ما حكالي المرشد السياحي اللي معي >> ابن عمتي انو هاي المنطقه وئع فيها صاروخ ع حسب ما فهمت اترككم مع الصور ^^
هون يا جماعة الخير لوحه فيها اسماء الشهداء الله يرحمهم ويغفرلهم ^^
طبعا متل ما الكل بيعرف نابلس مشهوره بالكنافه واللي بروح عليها عيب ما ياكل كنافه نابلسيه رحنا ع هالمحل عم يعملو في كنافه طبعا انا ما نسيتكم وصورت كل شي و طريئة عملها من طئطئ للسلام عليكم بفيديو بس للاسف الفيديو ما زبط معي لاني ما عرفت افصل الصوت ولا صورنا منو خيرها بغيرها بلكي ازا زبطتو بحطو بس انا متاكده انكم ازا شفتو الفيديو رح تشتهو الكنافه انا ما دخلني هههههههه ما عندي غير صوره وحده للمحل البائي كلو فيديو
طبعا بعد ما خلصنا شوف طريئة تحضيرها رحنا اكلنا كنافه لسا طالعه من ع النار بتجنن
هون كبر راسي ئال ابن عمتي دخل جوا بالاول لانو ما بصير ادخل من دون احم ولا دستور هههههههه لانو كلو رجال راح حكالهم في معي ضيفه حابة تصور قامو شالو كل الرجال اللي ئاعدين ودخلوهم ع الحمام جوا اللي هوه بكون في مي وصابون وخلو الئعده كلها فاضيه مشان صور ع راحتي ^^ يلا شوفو :
هاي قائمه بالاسعار ههههههه للي حابب يروح
هاد الباب اللي بدخل ع الحمام الجواني يعني عند المي والصابون وبكون كلو بخار
هدا واحنا طالعين من الحمام التركي
وهاد اول منطلع من الحمام التركي منلائي ع اليمين .. زي ممر يعني ما بعرف شو في جواتو ..
هاي صور للسوء اللي هوه الخان طبعا الخان المزبوط او الئديم كان بالاول وانا نسيت اصورو
واحنا ماشيين بالخان لئينا محل ريحتو زاكيه موصله لاول الخان محل شو يا ترااا ؟؟؟
في حلويات شرقيه يعني بئلاوه و هريسه ..... الخ من الاشياء الزاكيه هاي يلا شوفو شوفو ..
فلما عجبتني حكيت لعمو يحطلي منها اخد للي بالبيت .. هيو عمو عم يعبيلي العلبه ..
هون الاشياء اللي بيعملو منها الكنافه ^^ عجينة الكنافه يعني ..
وهون صورة الاشياء اللي بحطو فيها الحلو وبعدين بلفوها بالورء الموجود بالصوره
بعدين طلعنا من المحل .. وقررنا نروح لانو صرلنا اربع ساعات طالعين وتعبنا وانشوينا من الحر
هون واحنا عم نطلع من الخان ..
وهون لما خلص طلعنا ع الشارع الرئيسي ع المدينه الجديده يعني
وروحنا ع البيت اتغدينا ومشي اليوم عادي ..
تاني يوم كان الاتنين 8/17 رحت مع مرة عمي ع نابلس الجديده يعني ع الاسواء والحركات هاي واخدنا معنا مين ؟؟ اولادها "ابن عمي , بنت عمي , بنت عمي التانيه " وكلهم اطفال اكبر واحد عمرو 10 سنين وازغر وحده عمرها سنه ..
هلا واحنا بالسوء حسيت في حدا نائص بحكيلها مرة عمي وين ولادك ؟؟ الا هيه بتحكي ولادي وينهم طلعنا مضيعينهم هالمسخمين .. ومرة عمي ناسيه موبايلها , وانا ما معي شريحه , شو العمل هلا ئعدنا 3 ساعات واحنا مندور عليهم وفجاه لئيت ابن عمي جاي من بعيد بيركض ومبسوووووط وجايب خواتو معو .. مسكتو : يا ولد وين كنت ؟؟ رحت اكلت كوكتيل وايسكريم وبعدين رحت ع الالعاب انا واخواتي .. ههههههههههه والله رفعلي ضغطي همه ئاعدين ومبسوطين وعم يعبو بطنهم وانا المسكينه بدور عليهم .. حبيت اعاند وحكيتلهم بدي اروح اكل كوكتيل من فخفخينا .. ورحت شوفو ما ازكا شكلها
والله كانت زاكيه
وهون رحنا نتغدا .. حبيت اكل عرايس وهاي الصور من المكان اللي كنا ئاعدين في ..
وبعديها كملنا شوبينج وروحنا ..
وهيك عرفتو مغامراتي بنابلس من طئطئ للسلام عليكم
والله تعبت وانا عم بعمل الموضوع بليز لا تحرموني من ردودكم :م4:
انشا الله تكونو انبسطتو .. بعرف طولت عليكم بس بعين الله ..